“Qamchiq” dovoni yopildimi?
Bu bo‘yicha FVV ma’lumot berdi.
Ijtimoiy tarmoqlarda "Qamchiq" dovoni yopilgani haqida xabarlar tarqalmoqda. Holat yuzasidan Favqulodda vaziyatlar vazirligi ma’lumot berdi.
Qayd etilishicha, ayni daqiqalarda "Qamchiq" dovonida vazirlik yo‘lni qordan tozalash va muzlamalar hosil bo‘lishining oldini olish, qum-tuz aralashmasini sepish ishlarini muvofiqlashtirib bormoqda. Dovon yo‘li avtomobillar harakati uchun ochiq va ikki tomonlama harakat davom etmoqda.
Shu o‘rinda, Favqulodda vaziyatlar vazirligi dovon hududida harakatlanishda haydovchilardan barcha xavfsizlik choralarini ko‘rishlarini so‘ragan.
