O‘zbekistonda koronavirus bilan kasallanganlar soni yana ortmoqda
O‘tgan bir sutka ichida Toshkent shahrining o‘zida 57 kishida koronavirus aniqlangan.
Kecha 96 kishida koronavirus tasdiqlandi, deb xabar beradi Sog‘liqni saqlash vazirligi matbuot xizmati.
Qayd etilishicha, o‘tgan bir sutka ichida Toshkent shahrining o‘zida 57 kishida koronavirus aniqlangan. Shuningdek:
6 nafari Buxoro viloyatida,
12 nafari Namangan viloyatida,
4 nafari Samarqand viloyatida,
1 nafari Xorazm viloyatida,
16 nafari Toshkent viloyatida koronavirusga chalingan bemorlar bilan muloqotda bo‘lgani sababli namuna olingan fuqarolar orasida qayd etilgan.
SSV maʼlumotlarga ko‘ra, mamlakatda koronavirus bilan kunlik kasallanishlar soni ortmoqda: 21-noyabrda 61 kishida, 20-noyabrda 89 kishida, 19-noyabrda 81 kishida, 18-noyabrda 92 kishida, 17-noyabrda 69 kishida kasallik aniqlangan. Sanitariya-epidemiologiya xizmatining maʼlum qilishicha, 22-noyabr kuni respublika bo‘ylab koronavirusga qarshi 55 390 doza vaksina qo‘llangan.
