Toshkentda jamoat transporti 31-dekabr kuni qay tartibda ishlaydi?
Bu bo‘yicha rasmiylar maʼlumot berdi.
31-dekabr kuni Toshkent shahrining markaziy qismlari orqali harakatlanuvchi barcha avtobus yo‘nalishlarining harakati soat 24:00 gacha uzluksiz ravishda tashkil etiladi. Bu haqda «Toshshahartransxizmat» AJ axborot xizmati xabar bermoqda.
Maʼlum qilinishicha, poytaxtda Yangi yil bayram tantanalarini nishonlash kunlarida jamoat transporti faoliyati quyidagi tartibda tashkil etiladi:
- 2-yanvar, dushanba — dam olish kuni. Yakshanba kunlari uchun tasdiqlangan jadval asosida;
- 3-yanvar, seshanba — 7 yanvar shanba kunidan ko‘chirilgan qo‘shimcha dam olish kuni. Shanba kunlari uchun tasdiqlangan jadvallar asosida;
- 7-yanvar, shanba — 3 yanvar seshanba kuniga ko‘chirilgan ish kuni. Ish kunlari uchun tasdiqlangan jadvallar asosida.
