0
Shavkat Mirziyoyev Qirg‘izistonga boradi
Bu haqda Qirg‘iziston iqtisodiyot vaziri o‘rinbosari maʼlum qildi.
O‘zbekiston prezidenti Shavkat Mirziyoyevning Qirg‘izistonga tashrifi 26 yanvar kuni bo‘lib o‘tishi kutilmoqda. Bu haqda Qirg‘iziston iqtisodiyot vaziri o‘rinbosari Aynura Usenbekova Jogorku Keneshdagi qo‘mita yig‘ilishida maʼlum qildi.
Uning aniqlik kiritishicha, bu O‘zbekiston rahbarining qo‘shni davlatga davlat tashrifi bo‘ladi.
Shuningdek, O‘zbekiston rahbarining Qirg‘izistonga tashrifi doirasida Bishkekda ikki mamlakat ishbilarmonlarining biznes kengashi bo‘lib o‘tadi. Qirg‘iziston savdo-sanoat palatasi maʼlumotlariga ko‘ra, tadbir 25 yanvarga rejalashtirilgan.
