Qora pomidorni ko‘rganmisiz?
Shu turdagi pomidor O‘zbekistonda ham yetishtirilgan.
Qora pomidor bundan bir necha yil oldin O‘zbekistonning Surxondaryo va Buxoro viloyatlarida yetishtirilib, uning iqlimga mosligi va aholining bunday pomidorga bo‘lgan ehtiyoji o‘rganilgandi.
Qora pomidorlarning tarkibida inson organizmini tozalaydigan, miya va yurak faoliyatini yaxshilaydigan antioksidantlar ko‘p.
O‘simlik pigmentlari qon tomirlari va immunitetni mustahkamlaydi, tanadagi ortiqcha suyuqlikni haydashga yordam beradi va shish paydo bo‘lishining oldini oladi.
Qora pomidor aslida qora emas, shokolad rangida bo‘lib, odatdagi pomidorga qaraganda shirinroq hisoblanadi.
Uning “Qora shahzoda”, “Jigarrang shaker”, "Qora fil", "Shokoladdagi zefir" kabi navlari bor.
