Millioner maxsus xizmatlar bilan o‘z o‘limini sahnalashtirdi
U shu yo‘l bilan haqiqiy qotildan yashiringan.
AQSHning Kaliforniya shtatida millioner razvedka idoralari yordamida qotildan qochish uchun o‘zini o‘g‘irlash va o‘ldirilishini uyushtirdi. Bu haqda "New York Post" nashri xabar berdi.
41 yoshli Ninus Malan va uning sevgilisi ertalab soat oltida eshik taqilishidan uyg‘ongan. Eshik oldida yetti nafar Federal qidiruv byurosi agenti bor edi. Maxsus xizmat vakillari uni kimdir o‘ldirmoqchi bo‘layotganini aytishgan. Qotildan qochish uchun ular qotillikni uyushtirishni hamda bir muddat yashirishni taklif qilishdi.
Biroz o‘ylanib, millioner rozi bo‘ldi. Shundan so‘ng, agentlar uni oshxonadagi stulga yopishtirib qo‘yishdi. Ular erkakning yuzini kaltaklagandek qilish uchun bo‘yashdi, so‘ng unga sunʼiy qon sepib, stulni ag‘darishdi.
Malandan barcha elektronika olib qo‘yildi va unga qarindoshlari va advokatlariga qo‘ng‘iroq qilmaslik kerakligi aytildi. Keyin erkak va uning sevgilisi San-Diyego shahridagi mehmonxonaga olib ketilgan. Ular xonada qulflangan va qo‘riqlangan. Televizor va telefon xonadan oldindan olib tashlangan.
Maʼlum bo‘lishicha, Malanning biznes sherigi Salam Razuki uni o‘ldirishni rejalashtirgan, u bilan millioner 10 yil birga ishlagan va ko‘chmas mulkka masalasida sudga daʼvo kiritgan. O‘g‘irlash va suiqasd rejasida Razukining qo‘l ostidagi Silviya Gonsales va Elizabet Joyeuse ishtirok etadi. Ular Malanni o‘g‘irlash, uni Meksikaga olib ketish va o‘ldirish uchun qotil yollashga qaror qilishdi.
Ular ijrochini topib, shartlarni muhokama qilish uchun u bilan restoranda uchrashishdi. Ammo jinoyatchilar gaplashayotgan qotil FQB xabarchisi bo‘lib chiqdi. U uch ming dollar evaziga Malanni o‘ldirishga rozi bo‘ldi va darhol Razukining rejalari haqida maxfiy xizmatlarga xabar berdi.
Razuki, Gonsales va Xuares hibsga olindi. Shundan keyingina Malan va uning sevgilisi uyga qaytishga muvaffaq bo‘lishdi.
Barcha gumonlanuvchilar ayblarini tan oldilar va qamoq jazosiga hukm qilindi. Razuki va Gonsales yetti yil, Xuares uch yilu o‘n oyga ozodlikdan mahrum etildi.
