Bahorgi lanjlikka qarshi tavsiyalar
Bahor kelishini uzoq kutamiz-u, ammo quyosh chiqib, kunlar isishi bilan lanjlikni his qilamiz. Buning sababini bilasizmi?
Uzoq davom etadigan qish quvvatimizni olib, o‘tgan yil davomida yig‘ilgan vitaminlar zaxirasini quritib yuboradi. Shuning uchun ko‘pchilik bahorda charchoq va lanjlik yoki holsizlikka duch keladi.
Buning ustiga vitamin yetishmasligidan kuchsizlangan immun tizimi turli virusli kasalliklar oldida ojiz bo‘lib qoladi, qish bo‘yi umuman kasal bo‘lmaganlar ham mavsumlar orasida bir shamollab olishi shundan.
Bugun bahorgi lanjlikka qarshi turish va quvvat zaxirasini to‘ldirish uchun 5 ta tavsiya bilan bo‘lishamiz.
Ratsioningizga ko‘proq meva va sabzavotlarni qo‘shing
Quyoshli o‘lkamizda bahor kelishi bilan rezavor mevalar pisha boshlaydi. (Ularni yil bo‘yi ham rastalardan topish mumkin aslida). Qulupnay yoki gilos orqali S vitamini zaxirasini to‘ldirib olish mumkin. S vitamini immun tizimi, teri va sochlarga yaxshi taʼsir qiladi.
Vitaminlar kursi yordamida immunitetingizni kuchaytiring
Sog‘lom ovqatlanish vitamin yetishmovchiligini oldini olishga yordam bersa-da, jiddiy hollarda mevalar kamlik qiladi. Bahoriy lanjlikka qarshi kurashda D va C vitaminlari asosiy quroldir.
Bahorda S vitamini juda muhim. Ruh bilan birga u immun tizimining meʼyorda va samarali ishlashiga javob beradi.
immun tizimi uchun yana bir muhim vitamin bu — D vitaminidir. U suyaklar va tishlarni sog‘lomlashtirib, kalsiyning organizmda so‘rilishiga xizmat qiladi. Bundan tashqari, bu vitamin mushaklar faoliyatini normallashtiradi, u har qanday sport ixlosmandining kunlik ratsionida bo‘lishi shart.
Ochiq havoda ko‘proq bo‘ling
Quyoshli kunda D vitamini zaxirasini to‘ldirib olish kerak. Ochiq havoda yarim soat sport bilan shug‘ullanish miyada qon aylanishini yaxshilaydi va stressni yo‘qotadi. Bundan tashqari, toza havo uyqu sifatini yaxshilab, immun tizimini mustahkamlaydi.
Jismonan faol bo‘ling
Havo yomon bo‘lganda ham harakatda bo‘lishda davom eting. Jismoniy faollik faqat yurish yoki yugurish emas, sport bilan doimiy shug‘ullanish kerak.
Faol harakat ruhiy salomatlikning ham asosidir, u yuqori stressga qarshi kurashda yordam beradi. Bu holatda harakatlaringiz to‘g‘ri yoki noto‘g‘ri bo‘lmaydi. Muhimi to‘xtamaslik.
Imkon bo‘lishi bilan yaqinlaringiz bilan vaqt o‘tkazing
Bahoriy lanjlik bilan uzoq kurashdan so‘ng ham u o‘tib ketmasa, pauza qilib, dam olish va tanaga dam berish kerak. Aksariyat hollarda lanjlikka vitaminlar yetishmovchiligi sabab bo‘lsada, ruxiy salomatlikni ham unutmaslik kerak. Bulutli va sovuq ob-havoning uzoq hukmronligi stressning asosiy sababi bo‘la oladi. Doimiy jismoniy harakat stressni yengishda yordam bersa-da, organizmga dam berib turish kerak. Yaqinlar bilan vaqt o‘tkazish esa baxt gormoni ishlab chiqarilishini kuchaytiradi va stressga qarshi yaxshi samara beradi.
Yuqoridagi tavsiyalardan tashqari yetarlicha suv ichishingizni ham tekshiring, organizmning qurishi ham u uchun stressdir.
