Qirg‘iziston bilan xavfsizlik masalasida protokol imzolandi
Uchrashuvda hamkorlikni rivojlantirish masalalari muhokama qilindi.
O‘zbekiston Prezidenti huzuridagi Xavfsizlik kengashi apparati va Qirg‘iziston Xavfsizlik kengashi kotibiyati o‘rtasida maslahatlashuv bo‘lib o‘tdi.
Uchrashuvda mintaqaviy xavfsizlik bilan bog‘liq tahdid, xavf-xatarlarga qarshi kurash bo‘yicha hamkorlikni yanada rivojlantirish masalalari muhokama qilindi.
Uchrashuv yakunida xavfsizlikni ta’minlash sohasidagi hamkorlikni yanada kengaytirish va chuqurlashtirishga qaratilgan aniq yo‘nalishlar, chora-tadbirlar belgilangan Maslahatlashuv Protokoli imzolandi.
