Saida Mirziyoyeva AQSH Davlat departamenti vakillari bilan uchrashdi
Unda OAV va so‘z erkinligi masalalari muhokama qilindi.
Bugun O‘zbekiston Respublikasi Prezidenti Administratsiyasi Ijro etuvchi apparatining Kommunikatsiyalar va axborot siyosati bo‘yicha shoʻba mudiri Saida Mirziyoyeva AQSH Davlat kotibining Janubiy va Markaziy Osiyo bo‘yicha yordamchisi Donald Lu bilan uchrashdi.
Ta’kidlanishicha, uchrashuvda madaniy merosni asrab-avaylash, ommaviy axborot vositalari va so‘z erkinligini rivojlantirish hamda vaziyatni yaxshilash uchun davlatlar birgalikdagi hamkorligi kabi muhim masalalar ko‘tarilgan.
Shuningdek, O‘zbekiston va AQSHning ta’lim sohasidagi o‘zaro hamkorligi, bugungi kunda respublikada bu borada amalga oshirilayotgan islohotlar va kelgusidagi hamkorlik masalalari muhokama qilindi.
"Ta’lim strategiyasini ishlab chiqish va amalga oshirishni muvofiqlashtiruvchi Prezident Administrasiyasi xodimi sifatida men uchun bolalar va yoshlarda tanqidiy fikrlashni rivojlantirish ustuvor vazifa ekanini ta’kidladim", – deb yozgan Saida Mirziyoyeva o‘zining Telegram kanalida.
