Yurtimizda xorijiy investisiyalar ishtirokida 159 ta xususiy shifoxona faoliyat yuritmoqda
Bu haqida Sog‘liqni Saqlash Vazirigi xabar berdi.
Mamlakatimizda tibbiyotning xususiy sektorini rivojlantirish, sohaga investisiyalarni keng jalb etish, xorijiy sarmoyadorlarga moliyaviy imtiyozlar berish, bu orqali nodavlat shifoxonalar soni va ular ko‘rsatadigan tibbiy xizmatlar sifatini oshirishga jiddiy eʼtibor qaratilyapti.
Xususan, bu borada Prezidentimizning 6 ta farmon va qarorlari qabul qilinib, tibbiyotning xususiy sektori barcha soliq va bojxona to‘lovlaridan ozod qilindi. Qolaversa, har qanday tekshiruvlar Biznes Ombudsmani ruxsati bilan amalga oshirilishi belgilandi.
Shuningdek:
Xorijlik shifokorlarning qisqa muddatga O‘zbekistonga kelib ketish va yashash shartlari keskin soddalashtirildi;
Tibbiy turizm bo‘yicha tibbiyot muassasalariga belgilangan bojlar bekor qilindi;
Natijada:
- O‘zbekiston tibbiyotiga oxirgi 5 yilda qariyb 1 mlrd AQSH dollari hajmidagi investisiyalar jalb etildi;
- So‘nggi 6 yilda mamlakatimizda xususiy klinikalar soni 2,5 baravarga ko‘payib, 8 mingtani tashkil etdi;
- Yurtimizda xorijiy investisiyalar ishtirokida faoliyat olib borayotgan xususiy shifoxonalar soni 159 taga yetdi.
