O‘zbekistonda o‘qituvchilarning maoshi oshirildi
Bu bo‘yicha qaror kuchga kirgani maʼlum qilindi.
1-maydan maktabgacha va maktab taʼlimi, madaniyat va sport muassasalari pedagog va rahbar xodimlarining bazaviy tarif stavkalari hamda tuman (shahar) maktabgacha va maktab taʼlimi bo‘limlari xodimlarining lavozim maoshlari miqdorlarini tasdiqlash to‘g‘risidagi qaror kuchga kirdi.
Eslatib o‘tamiz, 2021 yil sentyabrda Shavkat Mirziyoyev farg‘onalik saylovchilar bilan uchrashuv chog‘ida o‘qituvchilar maoshini 1 000 dollarga yetkazmaguncha to‘xtamasligini maʼlum qilgan edi. 2020 yilning noyabrida o‘qituvchi va shifokorlar bilan uchrashuvda Prezident ularning maoshini oshirish bo‘yicha katta rejalar haqida eʼlon qilgandi.
“O‘qituvchi 1 000 dollar olmasa, ishga kelmasligi kerak. Xuddi shu holat shifokor bilan. Agar shifokor 1 000 dollar olmasa, ertaga bolalari va nevaralarini qanday boqadi?” — degandi prezident.
