Shavkat Mirziyoyev YII kengashida Toshkentdan qatnashadi
Bu haqda Rossiya Prezidenti Vladimir Putin ma'lum qildi.
Unga ko‘ra 25 may kuni yig‘ilish qatnashchilari tor doirada fikr almashadi, so‘ngra kengaytirilgan tarkibda uchrashuv davom etadi.
“Unda O‘zbekiston Prezidenti Shavkat Miromonovich Mirziyoyev ham videokonferensaloqa orqali ishtirok etadi. Ayni paytda u muhim, yuqori darajadagi ichki siyosiy jarayonlarni olib bormoqda. Shaxsan qatnashmayotgani uchun uni to‘g‘ri tushinishingizni so‘radi. Shunga qaramay u ishtirok etadi”, degan Putin.
Shuningdek, Putin kengaytirilgan tarkibdagi yig‘ilishda Ozarbayjon Prezidenti Ilhom Aliyev qatnashishini, Tojikiston Prezidenti Imomali Rahmon esa videokonferensaloqa orqali ishtirok etishini bildirgan.
Maʼlumot o‘rnida, hozirda uchrashuvda Armaniston Bosh vaziri Nikol Pashinyan, Belarus fuqarosi Aleksandr Lukashenko, Qozog‘iston Prezidenti Qosim-Jomart To‘qayev, Qirg‘iziston Prezidenti Sadir Japarov va Yevroosiyo iqtisodiy komissiyasi hayʼati raisi Mixail Myasnikovich ham ishtirok etmoqda.
Eslatib o‘tamiz, oldinroq Ozarbayjon Prezidenti Ilhom Aliyev Moskvaga borgan edi. U Putin vositachiligida Armaniston Bosh vaziri Nikol Pashinyan bilan muzokara o‘tkazishi kutilmoqda.
