Shavkat Mirziyoyev Misrning yetakchi kompaniyasi rahbarini qabul qildi
Uchrashuvda O‘zbekistonda amalda oshiriladigan investitsiya loyihalari rejalari ko‘rib chiqildi.
Bugun, 29 may kuni Prezident Shavkat Mirziyoyev Misrning “Orascom Investment Holding” kompaniyasi raisi Najib Savirisni qabul qildi.
Misrning yetakchi investitsiya-sanoat korporatsiyasi rahbari oliy darajadagi kelishuvlar doirasida O‘zbekistonda bo‘lib turibdi.
Uchrashuvda kompaniyaning O‘zbekistonda qo‘shma “yo‘l xaritasi” doirasida qiymati 1,2 mlrd dollardan ziyod bo‘lgan yirik investitsiya loyihalarini amalga oshirish borasidagi rejalari ko‘rib chiqildi.
Oziq-ovqat mahsulotlarini ishlab chiqarish, geologiya-qidiruv ishlarini amalga oshirish va metall konlarini o‘zlashtirish, zamonaviy mehmonxona majmualarini barpo etish va boshqarish, quyosh va shamol elektr stansiyalarini qurish bo‘yicha istiqbolli loyihalar muhokama qilindi.
