Endi ovqatni isrof qilganlar jarimaga tortiladi
Shuningdek, "Oqilona isteʼmol" dasturi ishlab chiqiladi.
Endi ovqatlanishda isrofgarchilikka yo‘l qo‘ygan shaxslarga moliyaviy jarimalar qo‘llaniladi. Bu haqda prezident tomonidan imzolangan PQ-171-sonli qarorda nazarda tutilgan.
Hujjatda keltirilishicha, 1 iyulga qadar umumiy ovqatlanish sohasida oziq-ovqat chiqindilari hosil bo‘lishini kamaytirish va ortiqcha isrofgarchilikning oldini olish maqsadida "Oqilona isteʼmol" dasturi ishlab chiqiladi.
Shuningdek, BMT Oziq-ovqat va qishloq xo‘jaligi tashkiloti tavsiyalarini joriy etish ham nazarda tutilgan.
Dasturga ko‘ra, isrofgarchilikka yo‘l qo‘ygan shaxslarga moliyaviy choralar qo‘llaniladi va nazorat mexanizmlari o‘rnatiladi.
Ushbu dasturda quyidagilar nazarda tutiladi:
— davlat organlari tomonidan tashkil etiladigan tadbirlarda oziq-ovqat isteʼmolinining oqilona meʼyorini belgilash, ortiqcha isteʼmolni kamaytirish, shu jumladan bir shaxsga bir martalaik ovqatlanish meʼyorini belgilash;
— umumiy ovqatlanish sohasidagi tadbirkorlar va isteʼmolchilarning oziq-ovqat mahsulotlariga nisbatan masʼuliyatini oshirish;
— aholi o‘rtasida to‘g‘ri ovqatlanish odatlarini shakllantirish va ortiqcha isrofgarchilikning oldini olish hamda meʼyoridan ortiq isteʼmolni targ‘ib qilishni cheklash.
