To‘g‘on suvi Nova Kaxovka shahrini yuvib ketmoqda
Suv sathi 12 metrgacha ko‘tarilishi mumkin.
Ukrainaning Xerson viloyati Kaxovka shahridagi to‘g‘on o‘qqa tutilib vayron etilgani haqida xabar bergan edik. So‘nggi maʼlumotlarga ko‘ra, Nova Kaxovka yaqinidagi Dnepr ko‘chasi suv ostida qolmoqda. Shahar meri Vladimir Leontyevning maʼlum qilishicha, ko‘chadagi suv sathi 10 metrga yetgan.
Uning so‘zlariga ko‘ra, Novaya Kaxovkadagi Dnepr ko‘chasi allaqachon suv ostida qolgan.
«Demak, suv 10 metrdan ko‘proq ko‘tarilgan», – dedi Leontyev. – «To‘g‘on yuvib ketilmoqda. Suv sathi 12 metrgacha ko‘tarilishi mumkin», – deya qo‘shimcha qildi u.
Shahar hokimi sohilbo‘yi suv bosgan hududlardan odamlar evakuatsiya qilinayotganini maʼlum qildi.
«Hozirgi vazifamiz odamlarni shahardan tashqariga chiqarish, elektr toki urishi holatlarini bartaraf etishdir. Shuning uchun elektr energiyasidan quyi oqimdagi aholi punktlari o‘chirilgan. Odamlar xavfsiz joylarga ko‘chmoqda. Vahimaga o‘rin yo‘q», – dedi u.
Leontyev, shuningdek, Ukraina Qurolli kuchlari tomonidan Novaya Kaxovkani o‘qqa tutish davom etayotganini taʼkidladi.
