Bugun Toshkentning ayrim hududlarida “svet” bo‘lmaydi
4 ta tumanda ta’mirlash ishlari olib borilishi ma’lum qilindi.
Bugun, 22-iyun kuni Toshkent shahrining bir qator tumanlaridagi ayrim mahallalarda elektr ta’minoti vaqtincha to‘xtatiladi. Bu haqda “Hududiy elektr tarmoqlari” AJ shahar filiali ma’lum qildi.
Quyidagi manzillarda elektr taʼminoti vaqtincha o‘chiriladi:
Olmazor tumani: «Paxta» MFYning ayrim ko'chalarida soat 10:00 dan 14:00 gacha;
Yunusobod tumani: «Sandiq qorgon» MFYning ayrim ko'chalarida soat 10:00 dan 16:00 gacha;
Yashnobod tumani: «Jarboshi» MFYning ayrim ko'chalarida soat 10:00 dan 16:00 gacha;
Mirzo Ulug`bek tumani: «Gulsanam» MFYning ayrim ko'chalarida soat 10:00 dan 16:00 gacha.
“Yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.
