Namanganda 560 mln so‘mlik dori vositalari yoqib yuborildi
Tadbir davomida jami 138 031 flakon dori vositasi, 225 kilogramm dori vositalari xomashyosi, 39 053 dona qadoqlash idishlari hamda ishlab chiqarish jihozlari ham yo‘q qilindi.
Iqtisodiy jinoyatlarga qarshi kurashish departamenti Davlatobod tuman bo‘limi tomonidan o‘tkazilgan tezkor tadbirda noqonuniy ravishda ishlab chiqarilgan dori vositalari aniqlangan.
Sudning tegishli hal qiluv qaroriga asosan, ashyoviy dalil sifatida eʼtirof etilgan, umumiy qiymati qariyb 560 million so‘mni tashkil etuvchi dori vositalarini yo‘q qilish belgilangan.
Mazkur sud hujjati ijrosini taʼminlash maqsadida Majburiy ijro byurosi Namangan shahar bo‘limi tomonidan tegishli tashkilotlar vakillari ishtirokida ijro tadbiri o‘tkazildi.
Tadbir davomida jami 138 031 flakon dori vositasi, shuningdek, boshqa turdagi dori vositalari belgilangan tartibda yo‘q qilindi.
Bundan tashqari, 225 kilogramm dori vositalari xomashyosi, 39 053 dona qadoqlash idishlari hamda ishlab chiqarish jihozlari ham yo‘q qilindi.
Mazkur tadbir noqonuniy dori vositalari muomalasining oldini olish, aholi salomatligini muhofaza qilish hamda sud hujjatlari ijrosini taʼminlash borasida amalga oshirilayotgan ishlardan biridir.
