0
O‘qituvchilarning 8 mlrd so‘mga yaqin taʼtil pullari to‘lanmagani aniqlandi
Respublikadagi 8 ming 243 nafar pedagog xodimning taʼtil pullari qayta hisob-kitob qilindi
Kasaba uyushmalari federatsiyasi maʼlumotlariga ko‘ra, 9403 ta taʼlim muassasasida pedagoglarning taʼtillariga oid buyruqlar o‘rganilganda 656 ta buyruqni rasmiylashtirishda xatoliklar aniqlangan.
Qayd etilishicha, 8 ming 243 nafar pedagog xodimning taʼtil pullari qayta hisob-kitob qilinib, pedagoglar foydasiga 7 mlrd 825 mln 86 ming so‘m mablag‘ undirib berilgan.
Shuningdek, 20 ming 550 nafar pedagog xodimning “taʼtil olish huquqim buzildi” mazmunidagi murojaatlari o‘rganilib, ular bo‘yicha tushuntirishlar va bepul huquqiy maslahatlar berish bilan birga qonuniy huquqlari tiklandi.
