Yangi o‘quv yilida 14 ta OTMda masofaviy taʼlim joriy etiladi
Masofaviy taʼlim shaklida o‘qish istagini bildirgan abituriyentlar soni 6 834 nafarni tashkil etgan
Bilim va malakalarni baholash agentligi boshqarma boshlig‘i Abduvohob Hayitovning ma'lum qilishicha, respublikadagi 14 ta oliy taʻlim muassasasida 2023/2024-o'quv yilidan boshlab masofaviy taʻlim shakli joriy etiladi.
Ta'kidlanishicha, qabul jarayonlarida, 6 834 nafar (birinchi taʼlim yo‘nalishiga nisbatan) abituriyent masofaviy taʼlim shaklida o‘qish istagini bildirgan.
Shuningdek, 545 616 nafar abituriyent kunduzgi, 22 867 nafari kechki, 373 169 nafari sirtqi taʼlim shakli uchun ro‘yxatdan o‘tgan.
