Toshkentdagi tug‘ruqxonada egizak chaqaloqlar vafot etdi
Chaqaloqlar tug‘ruqxona akusher-ginekologining ehtiyotsizligi sababli vafot etgani aytilmoqda.
Ijtimoiy tarmoqlarda Toshkent shahrida yashovchi ayolning tug‘ruqxona akusher-ginekologining ehtiyotsizligi sababli egizak farzandlari vafot etganligi haqida shikoyati tarqaldi.
Poytaxt prokuraturasining xabar berishicha, 2023-yil 22-iyun kuni 26 yoshli ayol 26 haftalik muddatidan oldin egizak chaqaloqlar dunyoga keltirgan.
Ish hujjatlariga ko‘ra, 23-iyun kunida Mirzo Ulug‘bek tumanida joylashgan shahar 6-sonli tug‘ruq kompleksida 26 yoshli ayolning egizak farzandlari vafot etgan.
Ta'kidlanishicha, hozirda ushbu holat bo‘yicha tergovga qadar tekshiruv davom etmoqda.
