Jizzaxda ko'chatlar qurib qolishi sababli Obodonlashtirish boshqarmasi bo‘lim boshlig‘i jarimaga tortildi
"Yashil makon" umummilliy loyihasi doirasida Baxmal tumanidagi mahallalarning birida ekilgan ko'chatlarning yarmiga yaqini qurib qolgan.
Ekologiya, atrof-muhitni muhofaza qilish va iqlim o’zgarishi vazirligining xabar berishicha, Jizzax viloyati Ekologiya boshqarmasi Baxmal tumani bo'limi xodimlari tomonidan navbatdagi reyd o'tkazilgan.
Reyd davomida Baxmal tumani Obodonlashtirish boshqarmasi tomonidan "Fidokor" MFY hududiga "Yashil makon" umummilliy loyihasi doirasida ekilgan 1332 tup manzarali ko‘chatlarning 450 tupi suvsizlik natijasida qurib qolgani aniqlangan.
Holati yuzasidan tuman Obodonlashtirish boshqarmasi bo‘lim boshlig‘iga Ma'muriy Javobgarlik to'g'risidagi kodeksning 79-moddasi 3-qismiga asosan BHMning 10 barobari — 3 million 300 ming so‘m miqdorida jarima belgilangan.
