Maktablarning yangi tahrirdagi namunaviy ustavi tasdiqlandi
Ustavda maktab maʼmuriyatining vazifalari, pedagog xodimlarning huquqi va majburiyatlari bugungi kun talablaridan kelib chiqib takomillashtirildi.
Prezidentning "Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida"gi farmoniga muvofiq, maktab taʼlimi tizimida belgilab berilgan ustuvor vazifalardan kelib chiqib umumiy o‘rta taʼlim maktablarining yangi tahrirdagi namunaviy ustavi tasdiqlandi.
Yangi tahrirdagi maktab ustaviga quyidagi o‘zgartirish va qo‘shimchalar kiritilmoqda:
-
- "Taʼlim to‘g‘risida"gi qonun, prezident farmon va qarorlari hamda Vazirlar Mahkamasi qarorlari va boshqa normativ-huquqiy hujjatlarga muvofiqlashtirildi;
- maktab direktorlarini tayinlash tartibi (Direktorlar kengashi);
- maktab taʼlimida raqamlashtirish va davlat xizmatlarini ko‘rsatish;
- sinflarni komplektlash hamda tarifikatsiya ro‘yxatlarini shakllantirish tartibi;
- o‘quvchilarni kasb-hunarga yo‘naltirish;
- inklyuziv taʼlim jarayonlari.
Ustavda maktab maʼmuriyati (direktor va o‘rinbosarlarning) vazifalari, pedagog xodimlarning huquqi va majburiyatlari bugungi kun talablaridan kelib chiqib takomillashtirildi. Barcha maktab maʼmuriyatlari mazkur namuna asosida maktab ustavlarini yangilab olishi hamda belgilangan tartibda ro‘yxatdan o‘tkazishi kerak.
