Prezident yo‘l sohasidagi muammolarga to‘xtaldi
O‘tkazilgan so‘rovlarda aholi ichki yo‘llarning holati va sifatini dolzarb muammolardan biri sifatida ko‘rsatgan.
Ayni paytda Prezident Shavkat Mirziyoyev huzurida yo‘l xo‘jaligini boshqarish, yo‘llarni loyihalash, qurish va saqlash tizimini isloh qilish yuzasidan yig‘ilish bo‘lib o‘tmoqda.
Unda davlat rahbari yo‘l sohasidagi tizimli muammolarni sanab o‘tdi.
Hududlarda o‘tkazilgan so‘rovlarda aholi ichki yo‘llarning holati va sifatini dolzarb muammolardan biri sifatida ko‘rsatgan.
Ajratilayotgan mablag‘lardan samarali foydalanish orqali loyihalar qiymatini kamida 20-30 foizga qisqartirish mumkinligi qayd etildi.
Yig‘ilishda yo‘llarni loyihalash meʼyorlarini takomillashtirish zarurligiga eʼtibor qaratildi.
Kichik, o‘rta va katta yo‘llar uchun ham, shuningdek, vohadagi yo‘llar bilan vodiydagi yo‘llar uchun ham bir xil “shablon” loyihalar ishlab chiqilmoqda.
Loyihalarda yo‘l bo‘yi infratuzilmasini nazarda tutilgan holda xalqaro yo‘llarda savdo va servis obyektlarini tartibli joylashtirishga eʼtibor qaratish lozimligi taʼkidlandi.
