Toshkentda qancha non axlatga tashlanmoqda?
Shahar “Maxsustrans” xodimi maʼlumot berdi.
Toshkent shahrida bir kunda 3 tonna non axlatga tashlanadi, deya xabar bermoqda “O‘zA” axborot agentligi.
Shahar “Maxsustrans” ishlab chiqarish boshqarmasi bosh inspektori Ismoil Sagdullayevning maʼlumot berishicha, ayni paytda poytaxtda eng ko‘p chiqindiga tashlanadigan mahsulot bu — non va oziq-ovqat mahsulotlaridir. Bu mahsulotlarni yildan-yilga chiqindiga tashlash holatlari ortib bormoqda.
Toshkent shahrida bir kunda 2 ming 300 tonna chiqindi yig‘ib olinsa, shundan 3 tonnaga yaqini nondan iborat.
