Jorj Bush: Yevgeniy Prigojin “meni taomlantirgan yigit” ekanidan shokka tushdim
AQSH sobiq prezidenti bu haqda Yaltadagi Yevropa strategiyasi anjumanida gapirdi.
2001—2009-yillarda AQSHga prezidentlik qilgan Jorj Bush tadbirkor, "Vagner" asoschisi Yevgeniy Prigojin bilan shaxsan uchrashganini bilgach, hayratda qolganini aytdi. Bu haqda Buniness Insider xabar bermoqda.
Bush bu haqda Yaltadagi Yevropa strategiyasi anjumanida gapirdi. Anjumanda sobiq Prezidentdan Yevgeniy Prigojinning aviahalokatda halok bo‘lgani unga qanday taʼsir qilganini so‘rashdi.
«Yo‘q, uning o‘limini eshitib emas, shu kunlarda Sankt-Peterburgada o‘tgan G8 sammiti fotolariga ko‘zim tushib qoldi va meni o‘shanda taomlantirgan yigit bo‘lganidan shokka tushdim», — deya Jorj Bushdan iqtibos keltirgan Buniness Insider.
AQSH sobiq prezidenti Prigojin bilan shaxsan uchrashganini eslay olmasligini qo‘shimcha qilgan.
Yevgeniy Prigojin 2006 yil 14 iyulda Putin bilan kechki ovqat paytida Jorj Bush va uning rafiqasi Laura Bushga ofitsiant bo‘lib xizmat qilgan.
