Ramzan Qodirovning ahvoli hamon og‘ir
Qodirovni zaharlashgani rostmi?
Mudofaa vazirligi razvedka bosh boshqarmasi vakili Andrey Yusov Checheniston rahbari Ramzan Qodirovning ahvoli og‘ir ekanini aytdi.
Andrey Yusovning so‘zlariga ko‘ra, Ramzan Qodirovning sog‘lig‘i bilan bog‘liq muammolar haqidagi maʼlumotlar “tibbiy va siyosiy doiralarda” tasdiqlangan.
«Obozrevatel» nashri o‘z manbalariga tayanib, Amzan Qodirov bir necha kundan beri koma holatiga tushib qolgani haqida xabar berdi. Anonim suhbatdoshlarning xabar berishicha, uni samolyotda Moskvaga olib ketishgan, ammo muvaffaqiyatsiz davolanishdan keyin u Chechenistonga qaytarilgan.
Ayrim maʼlumotlarga ko‘ra, Amzan Qodirov buyraklari bilan bog‘liq muammolardan aziyat chekmoqda.
Rossiyalik siyosatchilar va jurnalistlar Checheniston rahbari zaharlangan bo‘lishi mumkinligini istisno qilmayapti.
Amzan Qodirovning o‘zi shu yilning mart oyida kasalligi haqidagi mish-mishlarni rad etgan edi. Uning taʼkidlashicha, u "mutlaqo sog‘lom odam" va hali ham sport bilan shug‘ullanishi, tog‘larga borishi va piyoda yurishi mumkin.
Avvalroq ayrim ekspertlar Yevgeniy Prigojinning o‘limidan so‘ng Rossiya hukumat apparati endi boshqa nufuzli shaxslarga, xususan, Ramzan Qodirovga qarshi chiqadi, deb taxmin qilgandi.
O‘z navbatida, rossiyalik jurnalist Aleksey Lushnikovning fikricha, agar Qodirovning og‘ir ahvoli haqidagi maʼlumotlar tasdiqlansa va Checheniston rahbari tez orada vafot etsa, Rossiya Federatsiyasi uchun oqibatlar Prigojin isyonidan ham kengroq bo‘lishi mumkin.
"So‘nggi yigirma yil ichida mustahkam sementlangan milliy-siyosiy plitalar harakatlanishi mumkin", — deb yozdi Lushnik Facebookʼda.
