“Tabiiy suv resurslari tobora kamayib bormoqda”
O‘zbekistonda suv muammosi sabablari aytildi.
O‘zbekistonda qaysi omillar suv muammosiga eng ko‘p taʼsir qilayotgani aytildi.
Qayd etilishicha, aholi soni yildan-yilga o‘smoqda. Tabiiyki, suv isteʼmoli ham katta surʼatlarda ko‘payib boradi.
O‘zbekiston bir yilda ishlatadigan suvning 20 foizigina o‘zimizda shakllanadi. Qolgan 80 foizi Tojikiston va Qirg‘izistondan keladigan daryolardagi suvga bog‘liq. Ammo bu ikki mamlakatning ham o‘z manfaatlari bor. Har ikkala davlat elektr energiyasini daryolar bo‘yida qurilgan GESlardan oladi.
Iqlim o‘zgarishi oqibatida mamlakat hududidagi tabiiy suv resurslari tobora kamayib bormoqda. Qolaversa, qishda yog‘ingarchiliklarning kamayishi, yozning normadan issiq bo‘lishi suv isteʼmoli hajmlariga ham taʼsir qilmoqda.
