“Ichimlik suvining 25 foizi yo‘qotilmoqda”
“O‘zsuvtaʼminot” tizimdagi asosiy muammoni ochiqladi.
O‘zbekistonda taʼmirtalab tizimlarda vujudga kelayotgan avariyalar natijasida ichimlik suvining 25,7 foizi yo‘qotilmoqda. Bu haqda “O‘zsuvtaʼminot” AJ axborot xizmati rahbari Akmal Murodov maʼlum qildi.
Qayd etilishicha, ichimlik suvini ishlab chiqarish va isteʼmolchilarga yetkazib berilishidagi asosiy muammo bu – suv inshootlarining taʼmirtalab holatda ekani.
10 942 ta suv inshootlarining 2 318 tasi (21,2 foizi), 89 ming km markaziy va ichki tarmoqlarning 23,6 ming km yoki 26,5 foizi taʼmirtalab holatga kelib qolgan.
