Mahallaga yangi vakolat topshirildi

 

Endi mahalladagi “beshlikka” soliqchi va ijtimoiy xodim ham qo‘shilib, birgalikda ishlaydigan “mahalla yettiligi” bo‘ladi. Bu haqda Prezident raisligida o‘tayotgan videoselektor yig‘ilishida maʼlum qilindi.

 

Qayd etilishicha, aholini 3 ta daftarga kiritish, moddiy yordam, subsidiya va kredit ajratish kabi 70 dan ortiq masalalar mahallaning o‘zida, kollegial hal qilinadi.

 

Shuningdek, 3 ta daftarga beriladigan mablag‘lar Bandlik, Tadbirkorlik va Kasanachilik jamg‘armalaridan har bir mahallaga taqsimlab beriladi.

 

Yaʼni, mablag‘ni ishlatish mahallaning o‘ziga, “yettilik” ixtiyoriga beriladi.

 

“Bu – mahallaga ham vakolat, ham masʼuliyat degani”, - dedi prezident.

 

“Mahalla yettiligi”ning vazifalari:

 

➖mahalla raisi ehtiyojmand oilalarga uy-joyini yaxshilashga ko‘maklashish;

 

➖hokim yordamchisi ishsizlarga ish topishga ko‘maklashish;

 

➖yoshlar yetakchisi yoshlarni sport, musiqa va to‘garaklarga jalb etish;

 

➖xotin-qizlar faoli ayollarni tadbirkorlik, kasanachilik, hunarmandchilikka jalb qilish;

 

➖soliq xodimi mahalladagi imkoniyatlarni ishga solib, soliq bazasini kengaytirish, tadbirkorlik faoliyatini qonuniylashtirishga hamda o‘zini o‘zi band qilganlarga kichik biznes toifasiga o‘tishga ko‘maklashish;

 

➖ijtimoiy xodim yolg‘iz keksa, nogiron va boshqa muhtojlarga ijtimoiy xizmat ko‘rsatish kabi aniq vazifalar bilan shug‘ullanishi lozim.