«Rang-barang Osiyo: Osiyo liboslari ko‘rgazmasi» tashkil etildi
Ko‘rgazmada O‘zbekiston muzeylari sara to‘plamlaridan anʼanaviy o‘zbek so‘zanalari, chopon va zargarlik buyumlari namoyish etilmoqda.
Xitoyda o‘tayotgan XIX Osiyo o‘yinlari doirasida «Rang-barang Osiyo: Osiyo liboslari ko‘rgazmasi» tashkil etildi.
Xalqaro tadbirning dunyoga mashhur Ipak muzeyida o‘tkazilayotgani biz uchun ayniqsa qadrli. Chunki, hunarmandchilikning ushbu yo‘nalishi mamlakatlarimizni kamida uch ming yillik tarixi bilan birlashtirib turadi.
⠀
Osiyo o‘yinlariga bag‘ishlangan Xanchjou shahridagi «Rang-barang Osiyo: Osiyo liboslari ko‘rgazmasi»da ishtirok etish biz uchun katta sharaf- dedi Saida Mirziyoyeva
⠀
Xalqaro tadbirning dunyoga mashhur Ipak muzeyida o‘tkazilayotgani biz uchun ayniqsa qadrli. Chunki, hunarmandchilikning ushbu yo‘nalishi mamlakatlarimizni kamida uch ming yillik tarixi bilan birlashtirib turadi.
⠀
Ipak bilan savdo qilingan davrlarda bizni qalin diplomatik munosabatlar, madaniyat va texnologiyalar almashinuvi yana-da yaqinlashtirdi. Bu esa Buyuk Ipak yo‘li bo‘ylab o‘zaro taraqqiyot va iqtisodiy farovonlikka xizmat qilgan. Anʼanalarimiz va asosiy qadriyatlarimiz o‘xshashligi ham balki shundandir.
⠀
Xitoylik do‘stlarimizga samimiy mehmondo‘stligi va o‘zbek madaniyatiga bo‘lgan qiziqishlari uchun minnatdorlik bildirmoqchiman. Ipakchiligimiz tarixi — umumiy madaniy merosimizning ajralmas qismi bo‘lib, mazkur ko‘rgazma buni namoyish etish uchun ajoyib imkoniyatdir.
