Pasportsiz aviachipta sotib olish mumkin — “Uzbekistan Airways”
Kompaniya Senatda ayrim kassalarda chipta sotib olishda fuqarolik pasportining asl nusxasi talab qilinishi bilan bog‘liq qilingan tanqidlarga munosabat bildirdi.
Yaqinda Senat majlisida ayrim kassalarda aviachiptalarni rasmiylashtirishda yo‘lovchi pasportining asl nusxasini taqdim etish talablari yuzasidan aholi tomonidan shikoyatlar bo‘lgani aytilgandi.
Bunga javoban “Uzbekistan Airways” AJ aviakompaniya tomonidan aviachiptalarni sotib olishda shaxsni tasdiqlovchi hujjatlarning asl nusxalarini taqdim etish zarurligi to‘g‘risida talablar mavjud emasligini bildirdi. Yaʼni, shaxsni tasdiqlovchi hujjatlarning fotonusxalari bilan ham aviachipta sotib olish mumkin.
"Taqdim etilgan shaxsiy maʼlumotlarning ishonchliligi va dolzarbligi uchun barcha javobgarlik to‘liq yo‘lovchi zimmasiga yuklanadi", — deyiladi xabarda.
