Zelenskiy ilk bor Pashinyan bilan uchrashdi
Ukraina Aramaniston bilan hamkorlikka qiziqish bildirmoqda.
Ukraina prezidenti Vladimir Zelenskiy Yevropa siyosiy hamjamiyati sammitida ilk bor Armaniston bosh vaziri Nikol Pashinyan bilan uchrashdi.
"Armaniston bosh vaziri Nikol Pashinyan bilan birinchi uchrashuvimiz chog‘ida biz Janubiy Kavkazdagi xavfsizlik bilan bog‘liq vaziyatni muhokama qildik. Ukraina mintaqa barqarorligi va mamlakatlar bilan do‘stona munosabatlardan manfaatdor", — dedi Kiyev rahbari.
Zelenskiy, shuningdek, Pashinyan bilan Ukraina va Armaniston o‘rtasidagi ikki tomonlama hamkorlik, shuningdek, mintaqalararo iqtisodiy loyihalarni muhokama qilganini aytdi.
Eslatib o‘tamiz, shu haftada Armaniston parlamenti Rim statutini ratifikatsiya qilgandi. Uning asosida Xalqaro jinoiy sud tashkil etilgan bo‘lib, u avvalroq Rossiya prezidenti Vladimir Putinni hibsga olishga order bergan edi.
Shundan so‘ng Kreml Armaniston hukumati uchun qo‘shimcha savollar tug‘ilganini maʼlum qildi.
