Zelenskiy Putinning Rossiyadagi raqiblariga murojaat qildi
Ukraina rahbari ulardan biror narsa qilishni so‘ragan.
Ukraina Prezidenti Vladimir Zelenskiy rossiyalik dissidentlarga murojaat qilib, ularni “vaziyatni o‘zgartirish uchun aniq biror narsa qilishga” chaqirdi.
Ukraina rahbarining so‘zlariga ko‘ra, Rossiyaga har qanday xabar yuborish juda qiyin.
"Rossiya Federatsiyasiga xabar yuborish juda qiyin, Rossiyada yashovchi odamlar hech narsani eshitishni istamayapti shekilli.", - dedi Zelenskiy.
Ukraina rahbarining taʼkidlashicha, Rossiya prezidenti Vladimir Putinga qarshi bo‘lgan odamlar “oldinga harakat qilishda davom etishlari” kerak.
"Boshqa yo‘l yo‘q. Ukraina dushmanni mag‘lub etishi kerak. Yevropa umumiy qadriyatlar manfaati yo‘lida Ukrainani qo‘llab-quvvatlashi kerak, Rossiyada esa odamlar vaziyatni o‘zgartirish uchun aniq ish qilishi kerak", - deya taʼkidladi Zelenskiy.
Eslatib o‘tamiz, avvalroq Zelenskiy Putinni saraton kasalligiga qiyoslab, uning qadamlari Uchinchi jahon urushiga olib kelishini taʼkidlagan edi.
