Erdog‘an Shvetsiyaning NATOga aʼzo bo‘lishi haqidagi protokolni imzoladi
Avval Anqara noroziligi sabab Shvetsiyaning NATOga qabul qilinishi kechiktirilgandi.
Turkiya prezidenti Erdog‘an Shvetsiyaning NATOga aʼzo bo‘lishi haqidagi protokolni imzoladi. Hujjat Majlisga (parlament) tasdiqlash uchun yuborilgan.
Dastlab, kurd faollarining Shvetsiyada boshpana topganidan Anqara noroziligi tufayli Shvetsiyaning NATOga qabul qilinishi kechiktirilgan edi.
Erdog‘an iyul oyida Shvetsiyaning NATOga qabul qilinishi haqidagi protokolni ratifikatsiya qilish uchun parlamentga taqdim etishga rozi bo‘lgandi.
O‘shanda Turkiya prezidenti agar Yevropa Ittifoqi o‘z mamlakatining ittifoqqa aʼzoligi bo‘yicha muzokaralarni boshlasa, Shvetsiyaning NATOga aʼzo bo‘lish tashabbusini qo‘llab-quvvatlashi mumkinligini aytgan.
“Men Turkiyani 50 yildan ortiq Yevropa Ittifoqi eshigi oldida kutib turganlarga murojaat qilaman: Turkiyaga yo‘l oching, biz esa Shvetsiyaga yo‘l ochib beramiz”, — degan edi yetakchi yozda Litvada nato sammiti oldidan.
Erdog‘an Shvetsiyaning NATOga qabul qilinishini qo‘llab-quvvatladi. Avvalroq u buni Turkiyaning Yevropa Ittifoqiga qo‘shilish istagi bilan bog‘lagandi.
