Gʻazo sektoriga yoqilg‘i suv va havodek zarur
BMT Gʻazoda 3 kunlik yoqilg‘i qolganini ma’lum qildi.
BMT Gʻazoda 3 kunlik yoqilg‘i qolganini ma’lum qildi. Hududda yoqilg‘i inqirozi sabab murdalar va kasallar aravalarda toshilmoqda.
Birlashgan Millatlar Tashkiloti (BMT) Gʻazo sektorida 3 kunlik yoqilg‘i qolganini ma’lum qildi. Yoqilg‘isiz shifoxona va novvoyxonalar, ijtimoiy xizmatlar ham ishlay olmaydi.
Birlashgan Millatlar Tashkilotining Falastinlik Qochqinlarga yordam agentligi (UNRWA) tomonidan berilgan bayonotda, Gʻazoning zudlik bilan yoqilg‘i bilan ta’minlanishi kerakligi ta’kidlandi.
“Uch kundan keyin UNRWA yoqilg‘isi tugaydi va bu tashkilotning Gʻazo sektoridagi gumanitar ishlariga jiddiy ta’sir ko‘rsatadi. Yoqilg‘isiz suv bo‘lmaydi, kasalxonalar va novvoyxonalar ishlamaydi. Yoqilg‘isiz yordam juda muhtojlarga yetib bormaydi. Yoqilg‘isiz insonparvarlik yordami bo‘lmaydi”, — deyiladi xabarda.
UNRWA Gʻazo sektoridagi eng yirik gumanitar tashkilot hisoblanadi.
“Yoqilg‘i yetishmasligi ayollar, bolalar va Gʻazoning qolgan aholisini yanada bo‘g‘ib qo‘yadi. Yoqilg‘isiz, ehtiyoji soat sayin ortib borayotgan g‘azoliklarni taqdir izmiga qoldiramiz. Bunday bo‘lishi mumkin emas va bo‘lmasligi ham kerak”, — deyiladi UNRWA bayonotida.
