Qozog‘istondagi yong‘inda to‘rt nafar bola halok bo‘ldi
Tutun va bolalarning o‘limi sabablari aniqlanmoqda.
Qozog‘iston sharqidagi Abay viloyatining Ayag‘oz shahridagi uyda yuz bergan yong‘in oqibatida to‘rt bola qurbon bo‘ldi.
Fojia kecha ertalab sodir bo‘lgan. “Favqulodda vaziyatlar boshqarmasi kuch va vositalarni tezkor boshqarish markazining pultiga Ayag‘oz shahridagi xususiy uylardan birida tutun chiqqani haqida signal kelib tushdi, zudlik bilan olti kishidan iborat qutqaruv guruhi voqea joyiga jo‘nab ketdi. O‘t o‘chiruvchilar yetib kelganida, xonalardan birida 20 kv.m maydonda mebel va shaxsiy buyumlar yonib ketgan. O‘chirish vaqtida to‘rt nafar bolaning jasadi hayot izlarisiz topilgan”, — deyiladi xabarda.
Tutun va bolalarning o‘limi sabablari aniqlanmoqda. Politsiya tergov ishlarini olib bormoqda. Halok bo‘lganlarning oila a’zolariga zarur yordam ko‘rsatilmoqda.
