Mask Xʼni tanishuv saytiga aylantirmoqchi
Uning yangi ijtimoiy tarmoq yaratish rejasi ham bor.

Amerikalik biznesmen Ilon Mask o‘tgan yili sotib olgan X ijtimoiy tarmog‘ini (sobiq Twitter) tanishuv sayti va raqamli bankka aylantirmoqchi.
Maʼlum qilinishicha, Mask va kompaniya bosh direktori Linda Yakkarino ishtirokida videokonferensiya orqali uchrashuv bo‘lib o‘tgan. Uchrashuv chog‘ida tadbirkor “X 2024 yilda to‘laqonli tanishuv saytiga, shuningdek, raqamli bankka aylanadi”, deb aytgan.
Tadbirkor o‘z rejasining tafsilotlarini oshkor qilmadi, biroq tanishuv funksiyasi xizmatining mavjudligi talabga bog‘liq ekanini aytdi. Bu tashabbus Maskning ko‘proq pullik funksiyalarni joriy etish rejalariga mos keladi, chunki tanishuv ilovalari odatda pullik obunani o‘z ichiga oladi.







