Bojxonachilar o‘tgan 9 oyda 9 ming kilogrammga yaqin giyohvandlik vositasi aylanmasini fosh etdi
Bu haqda Bojxona qo‘mitasi axborot xizmati rahbari maʼlum qildi.
O‘tgan 9 oyda 16200dan ortiq tashqi faoliyat qatnashchisiga bojxona to‘lovlaridan 39 trillion so‘m miqdorida imtiyoz va preferensiyalar qo‘llanildi. Bu haqda AOKAda o‘tkazilgan brifingda Bojxona qo‘mitasi axborot xizmati rahbari Nurbek Salomov maʼlum qildi.
Maʼlum qilinishicha, joriy yilning o‘tgan 9 oyida 6,2 trillion so‘m miqdoridagi bojxona to‘lovlarini kechiktirib to‘lashga ruxsat berildi. Davlat byudjetiga 40,3 trillion so‘m miqdorida mablag‘ o‘tkazildi. Xavflarni boshqarish va yashirin iqtisodiyotga qarshi kurashish yo‘nalishida 780 milliard so‘mlik tovarlarning noqonuniy aylanmasiga chek qo‘yilgan.
Bundan tashqari, aholi sog‘ligi va xavfsizligini taʼminlash maqsadida jami 8 ming 935 kilogrammga yaqin giyohvandlik vositalari, 619 ming dona psixotrop va kuchli taʼsir etuvchi moddalar, 4 million 800 ming quti tamaki mahsulotlarining noqonuniy aylanmasi fosh etildi.
