Yana insonparvarlik yordami ortilgan 39 ta yuk mashinasi G‘azoga kirdi
21-oktabrdan buyon Rafah chegara punktidan G‘azo sektoriga 171 yuk mashinasi o‘tgan.
Isroil harbiylari dushanba kuni gumanitar yordam olib ketayotgan yana 39 yuk mashinasi G‘azoga kirganini maʼlum qildi. Shu tariqa, 21-oktabrdan beri Rafah chegara punktidan 171 yuk mashinasi o‘tgan.
AQSH maʼmuriyati qoshidagi Milliy xavfsizlik kengashi spikeri Jon Kirbining so‘zlariga ko‘ra, AQSH yaqin kunlarda G‘azoga yetkaziladigan insonparvarlik yordami hajmi kuniga 100 ta yuk mashinasiga yetkazilishiga umid qilmoqda. Shu bilan birga, xayriya tashkilotlari vakillarining taʼkidlashicha, kuniga 100 ta yuk mashinasi G‘azo sektori tinch aholi ehtiyojlari uchun minimal miqdordir.
