Emmanuel Makron Qozog‘istonga keldi
Qozog‘istonga rasmiy tashrif bilan kelgan Fransiya prezidentini mamlakat bosh vaziri kutib oldi.
Poytaxt aeroportida oliy martabali mehmonni Qozog‘iston Respublikasi Bosh vaziri Alixan Smailov kutib oldi.
Qisqa suhbat chog‘ida Qozog‘iston rahbari ushbu tashrif Astana va Parij o‘rtasidagi strategik sheriklikni yana-da rivojlantirishga yangi surʼat bag‘ishlashiga ishonch bildirdi.
Ikki davlat rahbarlari Qasim-Jomart To'qayev va Emmanuel Makron savdo-iqtisodiy, sarmoyaviy va energetika sohalarida hamkorlikni mustahkamlash bo‘yicha muzokaralar o‘tkazadi, shuningdek, xalqaro va mintaqaviy kun tartibidagi masalalarni muhokama qiladi.
Eslatib o‘tamiz, Emmanuel Makronning bugun O‘zbekistonga kelishi kutilmoqda. Fransiya prezidenti ikki kun rasmiy tashrif bilan mamlakatimizda bo‘ladi.
