Sukerberg va Maskning jangi keyinga qoldirildi
Sukerberg tayyorgarlik vaqtida og‘ir jarohat oldi.
Facebook ijtimoiy tarmog‘i va Meta kompaniyasi asoschisi Mark Sukerberg aralash yakkakurashlar bo‘yicha jangga tayyorgarlik ko‘rayotganda og‘ir jarohat oldi. Bu haqda u Instagramʼda maʼlum qildi.
Sukerberg sparring vaqtida tizzasi yirtilganini taʼkidladi va operatsiyadan keyin shifoxonada olingan suratni joyladi.
"Menga g‘amxo‘rlik qilayotgan shifokorlar va jamoaga minnatdorchilik bildiraman. Men kelasi yil boshida bo‘lib o‘tishi kerak bo‘lgan MMA jangiga tayyorgarlik ko‘rayotgan edim, ammo endi uni boshqa vaqtga ko‘chirish kerak", - deb yozgan Sukerberg.
Eslatib o‘tamiz, yozda Metaʼning Tvitter bilan raqobatlashadigan dasturni ishga tushirish niyati haqidagi maʼlumotlar internetda paydo bo‘lgach, Tvitter egasi Ilon Mask Sukerbergni ringga taklif qilgandi. Sukerberg taklifni qabul qilgan.
