AQShga ishga yuborishni va’da qilgan firibgarlar ushlandi
Ular buning uchun 20 000 AQSH dollari talab qilgan.
Bosh prokuratura huzuridagi Departamentning Oqdaryo tuman bo‘limi tomonidan, DXX va Milliy gvardiya xodimlari bilan hamkorlikda o‘tkazilgan tezkor tadbirda fuqarolar M.X., D.X. va boshqalar fuqaro R.M.ni 20 000 AQSH dollari evaziga Amerika Qo‘shma Shtatlariga viza hujjatlarini rasmiylashtirib ishga yuborishni va’da qilishib, oldindan 15 000 AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
