Surxondaryoda bugunning o‘zida 3-marta zilzila sodir bo‘ldi

 

Surxondaryo viloyatining Qumqo‘rg‘on tumanida 23 noyabr tongidan buyon 3-marta yer silkinishi qayd etildi. Bu haqda FVV Seysmoprognostik monitoring respublika markazi xabar berdi.

 

Markaz soat 14:36 da 3-bor zilzila ro‘y berganini maʼlum qildi. Zilzila koordinatalari: 37,76 gradus shimoliy kenglik; 67,69 gradus sharqiy uzunlik. Magnituda m=3,9. Chuqurlik 10 km. Sezilish kuchi:

 

• Qumqo‘rg‘on tumanida 3 ball, 16 km;

• Sho‘rchi tumanida 2−3 ball, 26 km;

• Bandixon tumanida 2 ball, 31 km;

• Jarqo‘rg‘on tumanida 2 ball, 35 km;

• Qiziriq tumanida 2 ball, 42 km.

 

Eslatib o‘tamiz, birinchi silkinish erta tongda — soat 04:28 da qayd etilgan. Magnituda 3,4 ni tashkil etgan. Ikkinchisi esa soat 14:08 da kuzatildi (magnituda — 3,5). Eʼtiborli jihati, har uchala silkinishning epitsentri Qumqo‘rg‘on tumaniga to‘g‘ri keldi.