AQSH Senati 2024 yil uchun mudofaa byudjetini qabul qildi
Harbiylarning maoshlari rekord darajada — 5,2 foizga oshirilmoqda.
AQSH Senati 886,3 milliard dollarlik milliy mudofaa qonunini maʼqulladi. Bu o‘tgan yilga nisbatan 3 foizga ko‘pdir. Senatning 87 aʼzosi uni qabul qilish uchun, 13 nafari esa qarshi ovoz berdi. Loyiha Vakillar palatasiga yuborildi. Byudjet hafta oxirigacha har ikki palatadan o‘tishi va imzolash uchun prezident Baydenga yuborilishi kutilmoqda.
Qonun loyihasi Qo‘shma Shtatlarning mudofaa ehtiyojlari uchun yirik miqdorda mablag‘ ajratishni taklif qiladi. Loyihaga ko‘ra, harbiylarning maoshlari rekord darajadagi 5,2 foizga oshirilmoqda.
Mudofaa byudjeti loyihasida Ukrainaga 300 million dollarlik harbiy yordam ko‘rsatilgan. Qonunchilar 2025 yilda zarurat tug‘ilsa, ushbu ehtiyojlar uchun bir xil miqdorda mablag‘ ajratish niyatida. Umuman olganda, Kiyevga yordam 2026 yil oxirigacha uzaytirildi.
