Armaniston va Ozarbayjon asirlarni almashdi
Bu haqda Ozarbayjon harbiy asirlar bo‘yicha davlat komissiyasi xabar berdi.
13 dekabr kuni Ozarbayjon va Armaniston ikki davlat chegarasida harbiy asirlarni almashishdi.
Uzoq davom etgan mojarolardan so‘ng, bir necha kun avval ikki taraf asirlarni almashish va o‘zaro aloqalarni normallashtirishga kelishib olgan edi.
Chorshanba kuni Ozarbayjon 2020 yil oxirlarida asirga olingan 32 nafar Armaniston fuqarolarini ozod qildi. Buning evaziga esa - kelishuvga asosan, Armaniston 2023 yil aprelidan beri ushlab turilgan ikki Ozarbayjon askarini topshirgan. Bu haqda Ozarbayjon harbiy asirlar bo‘yicha davlat komissiyasi xabar bermoqda.
“Almashtirish Ozarbayjon-Armaniston davlat chegarasining Gazax qismida bo‘lib o‘tdi”,-deyiladi bayonotda.
