FVV ogohlantirish bilan chiqdi

 

AOKAda tashkil etilgan brifingda Favqulodda vaziyatlar vazirining birinchi o‘rinbosari Sanjar Zuparov fuqarolarni is gazidan ehtiyot bo‘lishga chorladi. 

 

Yong‘in, havo-gaz aralashmasining chaqnashi hamda is gazidan zaharlanishning oldini olish maqsadida, quyidagilarga rioya qilish so'raladi:

 

1. Gaz va muqobil yoqilg‘i turlaridan foydalanishda xavfsizlik choralariga rioya qiling;

2. Nostandart yoki sertifikatga ega bo‘lmagan isitish pechlari va anjomlaridan foydalanmang;

3. Isitish pechlarining dudburonlarini to‘g‘ri o‘rnating hamda sozligiga eʼtibor bering;

4. Gaz yoki boshqa muqobil yoqilg‘iga moslashtirilgan isitish pechlarini dam olish xonalariga olib kirmang;

5. Havo almashmaydigan xonalarni isitishda ochiq olovdan foydalanmang;

6. Havoni almashtiruvchi shamollatish shaxtalari yoki tuynuklarni berkitib qo‘ymang;

7. Isitish pechlarining dudbo‘ronlarini tozalash, sozlash va ularning qoida talablari asosida o‘rnatilishi bo‘yicha xizmat ko‘rsatuvchi maxsus tashkilotlarga murojaat qiling.