Eronda motam e’lon qilindi
So'nggi ma’lumotlarga ko‘ra, portlashlar oqibatida kamida 103 kishi halok bo‘lgan, 188 kishi jarohatlangan.
Bugun, 4 yanvar kuni Eronda general Qosim Sulaymoniy dafn etilgan Kirmon shahridagi qabriston yaqinida sodir bo‘lgan ikki portlashda halok bo‘lganlar uchun motam kuni deb e’lon qilindi.
Kirmon viloyatining o‘zida ham uch kunlik motam e’lon qilingan.
Eron Prezidenti Ibrohim Raisiy qurbonlarning oila a’zolariga hamdardlik bildirgan va barcha rasmiylarni “jabrlanganlarga zudlik bilan yordam berishga” chaqirgan.
“Bu qo‘rqoqlik harakatining aybdorlari va yetakchilari tez orada aniqlanib, jazolanadi” — deya ta’kidlagan Prezident.
