Yangi yil kechasi “drift” uyushtirganlar qamaldi
Holat Toshkentda sodir bo'lgan.
Toshkent shahri Chilonzor tumanida yo‘lning qatnov qismida “drift” uyushtirganlar 15 sutkaga qamaldi.
31-dekabrdan 1-yanvar kuniga o‘tar kechasi Chilonzor tumanida bir necha yigitlar ko‘chada o‘zi va boshqalarning hayotiga xavf solib “drift” uyushtirgan.
Ular bilan suhbat olib borilganda yigitlarning haydovchilik guvohnomasi ham bo‘lmagani aniqlangan. 2 nafar yigitning ota-onasiga nisbatan Ma’muriy javobgarlik to‘g‘risidagi kodeksning 47-moddasi bilan chora ko‘rilgan.
Shuningdek, jinoyat ishlari bo‘yicha Chilonzor tuman sudida 4 nafar yigit va boshqalar Ma’muriy javobgarlik to‘g‘risidagi kodeksning 183 va 194-moddalari bilan aybli deb topilgan. Ularga jarima va 15 sutka ma’muriy qamoq jazosi qo‘llanilgan.
