O‘zbek meʼmori dunyoning 100 ta ayol meʼmori qatoriga kirdi
Kitobning rasmiy taqdimoti 23-yanvarda Londonda bo‘lib o‘tadi.
Tahmina Turdialiyeva Britaniya me‘morlari Qirollik instituti (RIBA) tomonidan nashr etilgan dunyoning 100 nafar me‘mor ayollar faoliyati haqidagi kitobga kiritildi.
Kitobning rasmiy taqdimoti Londonda 23-yanvarda bo‘lib o‘tadi.
So‘nggi o‘n yil ichida arxitektura dunyosida gender muvozanatiga intilish kuchaydi. Me‘mor ayollar mehnati va yutuqlari nisbatan e‘tibordan chetda qolmoqda.
Ushbu RIBA nashri ayollarning arxitekturaviy muhitga qo‘shgan hissasini haqli ravishda e‘tirof etadi va nishonlaydi.
«100 women architects in practice» - bu butun dunyo bo‘ylab ajoyib ayol-me‘morlarning boy, xilma-xil va qiziqarli faoliyati haqidagi kitobdir.
Nashrda o‘zbek meʼmorining Toshkentda amalga oshirilgan obyektlari – Korrupsiyaga qarshi kurash agentligining Shota Rustaveli ko‘chasidagi maʼmuriy binosi va Zamonaviy sanʼat markazidagi yozgi hovlining soyali konstruksiyasi taqdim etilgan.
