BBC: Samarqand — Markaziy Osiyoning “yangi javohiri”
Buyuk Britaniyaning yetakchi OAV — BBC o‘z saytida Samarqand haqida maqola chop etdi.
BBC jurnalisti o‘z maqolasida Samarqand haqidagi o‘z taassurotlarini bayon qilib, unda yangidan barpo etilgan “Silk Road Samarkand” majmuasi ham tilga olingan.
“Silk Road Samarkand” turizm majmuasi – Amir Temur orzu qilgani kabi ulug‘vordir. Sakkizta osmono‘par zamonaviy, hashamatli mehmonxonalar va sog‘lomlashtirish markazlari binolari Sovet Ittifoqi davrida bir qator chempionlarni tarbiyalagan eshkak eshish sportida foydalanilgan keng kanal atrofida to‘plangan”, — deyiladi maqolada.
Shuningdek, shaharning Shohi Zinda kabi tarixiy binolari, bozorlar va zamonaviylikka uyg‘un mashhur sayyohlik markazlari haqida so‘z yuritiladi.
BBC muxbiri mamlakatda olib borilayotgan islohotlarni ham qayd etib o‘tgan. Maqolada u sud-huquq tizimini isloh qilish, iqtisodiyotni liberallashtirish hamda ochiqlik va bag‘rikenglik siyosati bilan yangi O‘zbekistonning barpo etilayotganini qayd etgan.
“Bir paytlar millionlab o‘zbeklarni (jumladan, bolalarni) dalaga paxta terimiga majburlagan majburiy mehnatga to‘liq barham berilgan”, — deyiladi maqolada.
Maqolani to‘liq bu yerda o‘qishingiz mumkin.
